എന്‍റെ ചെറുപ്പകാലത്തെ ഏറ്റവും പ്രസിദ്ധിയാര്‍ജിച്ച സംഭവമായിരുന്നു വെങ്ങോലയിലെ ലോവര്‍ പെരിയാര്‍ എഞ്ചിനീയറുടെയും കുടുംബത്തിന്‍റെയും കൂട്ടമരണം.
കൊലപാതകം, ആത്മഹത്യ അങ്ങനെ പലതും കേട്ടിരുന്നുവെങ്കിലും നമ്മുടെ കഥ അതല്ല.
മരണം ഏതു തരമായാലും പെടു മരണം തന്നെയല്ലേ...എഞ്ചിനീയറും കുടുംബവും, വേറെ പണിയൊന്നുമില്ലാതെ ഫുള്‍ ടൈം കറങ്ങി നടക്കുകയായിരുന്നു എങ്കിലും രാത്രി ശക്തി കൂടും എന്നായിരുന്നു ജനവിശ്വാസം.അതു കൊണ്ടായിരിക്കണം ആരും ഒരു സമയം കഴിഞ്ഞാല്‍ അതു വഴി പോകാറുണ്ടായിരുന്നില്ല. പേടിയൊന്നുമുണ്ടായിട്ടല്ല...ഒരു ഭയം! അത്ര തന്നെ.
അങ്ങനെയിരിക്കേ ഒരു ദിവസം, വെങ്ങോലയിലുള്ള ഒരു കൂട്ടുകാരന്റെ വീട്ടില്‍ എന്തൊക്കെയോ ഗള്‍ഫ് സാധനങ്ങള്‍ എത്തിക്കാന്‍ രാത്രി ഇറങ്ങിത്തിരിച്ച ഒരു ചെറുപ്പക്കാരന്‍ കഷ്ടകാലത്തിന്‌ നമ്മുടെ എഞ്ചിനീയറുടെ വീടിനു മുന്‍പിലെത്തി. ഗള്‍ഫില്‍ ആയിരുന്നതിനാല്‍ നാട്ടില്‍ നടന്ന ഈ വിവരവും മറ്റും ചങ്ങാതി അറിഞ്ഞിരുന്നില്ല. അതു കൊണ്ടു തന്നെ എഞ്ചിനീയറെയും കുടുംബത്തെയും കക്ഷി കണ്ടതുമില്ല. തന്നെയുമല്ല, കൂട്ടുകാരന്റെ വീടു കണ്ടു പിടിക്കാന്‍ആരോടെങ്കിലും ഒന്നു ചോദിക്കാം എന്നു കരുതിയാല്‍ആരെയെങ്കിലും കാണണ്ടേ....
ഈ സമയത്താണ്‌ ഒരു ഓട്ടോ കയറ്റം കയറിവരുന്നത്‌ കക്ഷി കണ്ടത്‌. കണ്ടതേ കൈ കാണിക്കുകയും ചെയ്തു.
ഈ വശപ്പെശകായ സമയത്ത്‌ അതിലും വശപ്പെശകായ സ്ഥലത്തേക്ക്‌ ഓട്ടം വിളിച്ചവനെ മനസാ പ്രാകിക്കൊണ്ട്‌ വണ്ടി ഓടിക്കുകയായിരുന്നു ഓട്ടോ ഡ്രൈവര്‍. എഞ്ചിനീയറ്‍ എങ്ങാനും രാത്രി മുന്‍പില്‍ പ്രത്യക്ഷപ്പെടുകയാണെങ്കില്‍ ഉടനെ വന്നു രക്ഷപ്പെടുത്താന്‍ ദൈവങ്ങള്‍ക്കുള്ള വഴിപാടുകളും നേര്‍ച്ചകളും മന്ത്രങ്ങളും മറ്റും അറിയാവുന്ന രീതിയില്‍ കക്ഷി പിറുപിറുക്കുന്നുണ്ടായിരുന്നു.
ദൂരെ ഫുള്‍സ്ളീവൊക്കെയിട്ട്‌ ഇന്‍ ചെയ്ത്‌ സ്യൂട്കെസും കൈയില്‍ പിടിച്ച്‌ നില്‍ക്കുന്ന നമ്മുടെ ഗള്‍ഫിനെ കണ്ടതും ഓട്ടോച്ചേട്ടന്‍റെ കമ്പ്ലീറ്റ് ഗ്യാസും പോയി. കൈ കാണിച്ചതോടെ എങ്ങനെയെങ്കിലും രക്ഷപ്പെട്ടാല്‍ മതി എന്നായി. എഞ്ചിനീയറെ ഓട്ടോ ഓടിച്ച്‌ തോല്‍പിക്കാനായി പിന്നത്തെ ശ്രമം.
സ്പീഡില്‍ ഓടിക്കുന്നതിനിടെ ഓട്ടോയുടെ പിന്‍ ചക്രങ്ങളില്‍ ഒന്ന് വാട്ടര്‍ അതോറിറ്റിയുടെ ഒരു കുഴിയില്‍ വീണു. ഒരു വിധത്തില്‍ ആക്സിലറെറ്റര്‍ കൊടുത്ത്‌ കക്ഷി കുഴിയില്‍ നിന്നും ഓട്ടോ വലിച്ചൂരിയെടുത്ത്‌ വായുവേഗത്തില്‍ പറപ്പിച്ചു. ഒരു വിധത്തില്‍ ജങ്ക്ഷനിലെത്തിച്ചു.
"എന്നെ ഇവിടെ വിട്ടാ മതി!"
പുറകില്‍ നിന്നുള്ള ശബ്ദത്തോടൊപ്പം ഒരു തണുത്ത കൈ തോളില്‍ വീഴുകയും ചെയ്തതോടെ എന്റമ്മോ എന്ന ഒരു ശബ്ദത്തോടെ ഓട്ടോ അടുത്തുള്ള ഒരു കാനയില്‍ വീണു. ഓട്ടോച്ചേട്ടന്‍ ബോധം കെടുകയും ചെയ്തു.
ഓട്ടോ കുഴിയില്‍ വീണപ്പോള്‍ തന്നെ കയറ്റാന്‍ സ്ളോ ചെയ്തതാണെന്നു കരുതി ഓട്ടോയില്‍ കയറിയ ഗള്‍ഫിനു കാര്യമൊന്നും മനസ്സിലായതുമില്ല.
-----------------------
ഗവ: ഹോസ്പിറ്റലിനു സ്വന്തമായി ഒരു ആംബുലന്‍സ് ഉണ്ട്ട്. ഒരു ചെറിയ ഹോസ്പിറ്റല്‍ ആയതു കൊണ്ടും ആംബുലന്‍സ് നല്ല കണ്ടീഷന്‍ ആയതു കൊണ്ടും അത്യാവശ്യം വന്നാല്‍ വല്ല നല്ല വണ്ടിയും വിളിക്കാറാണ് പതിവ്. മരണം വല്ലതും ഉണ്ടായാല്‍ ഈ വണ്ടിയില്‍ വീട്ടില്‍ ബോഡി എത്തിക്കും അത്ര തന്നെ.
ഹോസ്പിറ്റലിനു വെഹിക്കിള്‍ ഷെഡ്‌ ഇല്ലാത്തത് കൊണ്ട്ട് മിക്കവാറും രാത്രി ആംബുലന്‍സ് ഡ്രൈവറുടെ വീട്ടില്‍ ആണ് ഇടാറുള്ളത്
ഒരു ദിവസം രാത്രി ഒരു മരിച്ച വീട്ടില്‍ ബോഡി എത്തിച്ച ശേഷം ഡ്രൈവര്‍ സ്വന്തം വീട്ടിലേക്ക് വണ്ടി കൊണ്ടു പോകാന്‍ സ്റ്റാര്‍ട്ട്‌ ആക്കി. ഈ അവസരത്തില്‍ ജങ്ക്ഷന്‍ വരെ ഒരു ഫ്രീ ലിഫ്റ്റ് സംഘടിപ്പിച്ചേക്കാം എന്ന ധാരണയില്‍ ഒരു കാര്‍ന്നോര്‍ വണ്ടിയുടെ ബാക്കില്‍ കയറിപ്പറ്റി. ഡ്രൈവര്‍ ഇതൊട്ട് അറിഞ്ഞതുമില്ല.
ജങ്ക്ഷനില്‍ എത്തിയപ്പോള്‍ ആംബുലന്‍സിന്‍റെ അകത്തു നിന്നും ഡ്രൈവര്‍ കാബിനിലേക്കുള്ള ചെറിയ തുളയിലൂടെ കൈയിട്ട് കാര്‍ന്നോര്‍ പറഞ്ഞു ...
"എന്നെ ഒന്നിവിടെ ഇറക്കിയേരെ കേട്ടോ.... "
കുറച്ചു മുന്‍പ് വരെ അകത്ത് ഉണ്ടായിരുന്ന പ്രേതത്തിന്‍റെ സാമീപ്യം അനുഭവപ്പെട്ട ഡ്രൈവര്‍ വണ്ടി എവിടെയൊക്കെയോ ഇടിച്ചു നിര്‍ത്തി ഓടി രക്ഷപ്പെട്ടു!
കൊലപാതകം, ആത്മഹത്യ അങ്ങനെ പലതും കേട്ടിരുന്നുവെങ്കിലും നമ്മുടെ കഥ അതല്ല.
മരണം ഏതു തരമായാലും പെടു മരണം തന്നെയല്ലേ...എഞ്ചിനീയറും കുടുംബവും, വേറെ പണിയൊന്നുമില്ലാതെ ഫുള്‍ ടൈം കറങ്ങി നടക്കുകയായിരുന്നു എങ്കിലും രാത്രി ശക്തി കൂടും എന്നായിരുന്നു ജനവിശ്വാസം.അതു കൊണ്ടായിരിക്കണം ആരും ഒരു സമയം കഴിഞ്ഞാല്‍ അതു വഴി പോകാറുണ്ടായിരുന്നില്ല. പേടിയൊന്നുമുണ്ടായിട്ടല്ല...ഒരു ഭയം! അത്ര തന്നെ.
അങ്ങനെയിരിക്കേ ഒരു ദിവസം, വെങ്ങോലയിലുള്ള ഒരു കൂട്ടുകാരന്റെ വീട്ടില്‍ എന്തൊക്കെയോ ഗള്‍ഫ് സാധനങ്ങള്‍ എത്തിക്കാന്‍ രാത്രി ഇറങ്ങിത്തിരിച്ച ഒരു ചെറുപ്പക്കാരന്‍ കഷ്ടകാലത്തിന്‌ നമ്മുടെ എഞ്ചിനീയറുടെ വീടിനു മുന്‍പിലെത്തി. ഗള്‍ഫില്‍ ആയിരുന്നതിനാല്‍ നാട്ടില്‍ നടന്ന ഈ വിവരവും മറ്റും ചങ്ങാതി അറിഞ്ഞിരുന്നില്ല. അതു കൊണ്ടു തന്നെ എഞ്ചിനീയറെയും കുടുംബത്തെയും കക്ഷി കണ്ടതുമില്ല. തന്നെയുമല്ല, കൂട്ടുകാരന്റെ വീടു കണ്ടു പിടിക്കാന്‍ആരോടെങ്കിലും ഒന്നു ചോദിക്കാം എന്നു കരുതിയാല്‍ആരെയെങ്കിലും കാണണ്ടേ....
ഈ സമയത്താണ്‌ ഒരു ഓട്ടോ കയറ്റം കയറിവരുന്നത്‌ കക്ഷി കണ്ടത്‌. കണ്ടതേ കൈ കാണിക്കുകയും ചെയ്തു.
ഈ വശപ്പെശകായ സമയത്ത്‌ അതിലും വശപ്പെശകായ സ്ഥലത്തേക്ക്‌ ഓട്ടം വിളിച്ചവനെ മനസാ പ്രാകിക്കൊണ്ട്‌ വണ്ടി ഓടിക്കുകയായിരുന്നു ഓട്ടോ ഡ്രൈവര്‍. എഞ്ചിനീയറ്‍ എങ്ങാനും രാത്രി മുന്‍പില്‍ പ്രത്യക്ഷപ്പെടുകയാണെങ്കില്‍ ഉടനെ വന്നു രക്ഷപ്പെടുത്താന്‍ ദൈവങ്ങള്‍ക്കുള്ള വഴിപാടുകളും നേര്‍ച്ചകളും മന്ത്രങ്ങളും മറ്റും അറിയാവുന്ന രീതിയില്‍ കക്ഷി പിറുപിറുക്കുന്നുണ്ടായിരുന്നു.
ദൂരെ ഫുള്‍സ്ളീവൊക്കെയിട്ട്‌ ഇന്‍ ചെയ്ത്‌ സ്യൂട്കെസും കൈയില്‍ പിടിച്ച്‌ നില്‍ക്കുന്ന നമ്മുടെ ഗള്‍ഫിനെ കണ്ടതും ഓട്ടോച്ചേട്ടന്‍റെ കമ്പ്ലീറ്റ് ഗ്യാസും പോയി. കൈ കാണിച്ചതോടെ എങ്ങനെയെങ്കിലും രക്ഷപ്പെട്ടാല്‍ മതി എന്നായി. എഞ്ചിനീയറെ ഓട്ടോ ഓടിച്ച്‌ തോല്‍പിക്കാനായി പിന്നത്തെ ശ്രമം.
സ്പീഡില്‍ ഓടിക്കുന്നതിനിടെ ഓട്ടോയുടെ പിന്‍ ചക്രങ്ങളില്‍ ഒന്ന് വാട്ടര്‍ അതോറിറ്റിയുടെ ഒരു കുഴിയില്‍ വീണു. ഒരു വിധത്തില്‍ ആക്സിലറെറ്റര്‍ കൊടുത്ത്‌ കക്ഷി കുഴിയില്‍ നിന്നും ഓട്ടോ വലിച്ചൂരിയെടുത്ത്‌ വായുവേഗത്തില്‍ പറപ്പിച്ചു. ഒരു വിധത്തില്‍ ജങ്ക്ഷനിലെത്തിച്ചു.
"എന്നെ ഇവിടെ വിട്ടാ മതി!"
പുറകില്‍ നിന്നുള്ള ശബ്ദത്തോടൊപ്പം ഒരു തണുത്ത കൈ തോളില്‍ വീഴുകയും ചെയ്തതോടെ എന്റമ്മോ എന്ന ഒരു ശബ്ദത്തോടെ ഓട്ടോ അടുത്തുള്ള ഒരു കാനയില്‍ വീണു. ഓട്ടോച്ചേട്ടന്‍ ബോധം കെടുകയും ചെയ്തു.
ഓട്ടോ കുഴിയില്‍ വീണപ്പോള്‍ തന്നെ കയറ്റാന്‍ സ്ളോ ചെയ്തതാണെന്നു കരുതി ഓട്ടോയില്‍ കയറിയ ഗള്‍ഫിനു കാര്യമൊന്നും മനസ്സിലായതുമില്ല.
-----------------------
ഗവ: ഹോസ്പിറ്റലിനു സ്വന്തമായി ഒരു ആംബുലന്‍സ് ഉണ്ട്ട്. ഒരു ചെറിയ ഹോസ്പിറ്റല്‍ ആയതു കൊണ്ടും ആംബുലന്‍സ് നല്ല കണ്ടീഷന്‍ ആയതു കൊണ്ടും അത്യാവശ്യം വന്നാല്‍ വല്ല നല്ല വണ്ടിയും വിളിക്കാറാണ് പതിവ്. മരണം വല്ലതും ഉണ്ടായാല്‍ ഈ വണ്ടിയില്‍ വീട്ടില്‍ ബോഡി എത്തിക്കും അത്ര തന്നെ.
ഹോസ്പിറ്റലിനു വെഹിക്കിള്‍ ഷെഡ്‌ ഇല്ലാത്തത് കൊണ്ട്ട് മിക്കവാറും രാത്രി ആംബുലന്‍സ് ഡ്രൈവറുടെ വീട്ടില്‍ ആണ് ഇടാറുള്ളത്
ഒരു ദിവസം രാത്രി ഒരു മരിച്ച വീട്ടില്‍ ബോഡി എത്തിച്ച ശേഷം ഡ്രൈവര്‍ സ്വന്തം വീട്ടിലേക്ക് വണ്ടി കൊണ്ടു പോകാന്‍ സ്റ്റാര്‍ട്ട്‌ ആക്കി. ഈ അവസരത്തില്‍ ജങ്ക്ഷന്‍ വരെ ഒരു ഫ്രീ ലിഫ്റ്റ് സംഘടിപ്പിച്ചേക്കാം എന്ന ധാരണയില്‍ ഒരു കാര്‍ന്നോര്‍ വണ്ടിയുടെ ബാക്കില്‍ കയറിപ്പറ്റി. ഡ്രൈവര്‍ ഇതൊട്ട് അറിഞ്ഞതുമില്ല.
ജങ്ക്ഷനില്‍ എത്തിയപ്പോള്‍ ആംബുലന്‍സിന്‍റെ അകത്തു നിന്നും ഡ്രൈവര്‍ കാബിനിലേക്കുള്ള ചെറിയ തുളയിലൂടെ കൈയിട്ട് കാര്‍ന്നോര്‍ പറഞ്ഞു ...
"എന്നെ ഒന്നിവിടെ ഇറക്കിയേരെ കേട്ടോ.... "
കുറച്ചു മുന്‍പ് വരെ അകത്ത് ഉണ്ടായിരുന്ന പ്രേതത്തിന്‍റെ സാമീപ്യം അനുഭവപ്പെട്ട ഡ്രൈവര്‍ വണ്ടി എവിടെയൊക്കെയോ ഇടിച്ചു നിര്‍ത്തി ഓടി രക്ഷപ്പെട്ടു!
1 comments:
kalakki
Post a Comment